புதன், 17 மே, 2017

சேலம் வரலாற்று ஆய்வுமைய கருத்தரங்கம்




                           சேலம் வரலாற்று ஆய்வு மைய கருத்தரங்கம்



  நன்றி..நன்றி..நன்றி..
சேலம் வரலாற்று ஆய்வு மைய கருத்தரங்குக்கு வந்து சிறப்பித்த ஆய்வாளர்கள் மற்றும் ஆர்வலர்களுக்கு சேலம் வரலாற்று ஆய்வு மையம் தன் நன்றியை தெரிவித்துக்கொள்கிறது.
5 மாதங்களுக்கு முன் நடந்த பேளூர் மரபுநடையின் போது அடுத்து ஒரு கருத்தரங்கை நடத்த வேண்டும் என முடிவு செய்து அதை வாழப்பாடியில் நடத்தலாம் என ஆய்வு மையம் முடிவு செய்தது. கடந்த 2 மாதங்களாய் அதற்கான முயற்சியில் ஈடுபட்டோம்.
Ponnambalam ChidambaramKalai SelvanKaliyappan SrinivasanPerumal Madhu NavinPeriyar MannanJeevanarayanan SelvakumarVeeramani Veeraswamiதீபக் ஆதீChennai Sevas Pandian
ஆகிய நிர்வாகிகள் கருத்தரங்கை சிறப்பாய் நடத்த முயற்சிகள் மேற்கொண்டனர்

                                              




ஆய்வாளர்கள் திரு பூங்குன்றன் அய்யா, திரு. வீரராகவன் அய்யா, திரு குழந்தைவேலன் அய்யா, திருமதி Mangai Ragavanமேடம், திரு Manonmani Pudhuezuthu சார், திரு Rajaram Komagan சார், திரு Mahathma Selvapandiyan சார் ஆகியோருக்கு மிக்க நன்றி..
கண்காட்சியை சிறப்பாக அமைத்திருந்த பெரியசாமி ஆறுமுகம், மற்றும் அவரின் திருச்சி நண்பர்
Veeramani Veeraswami அய்யா ஆகியோருக்கு நன்றி


                             
எங்கள் அழைப்பை ஏற்று வந்திருந்த உங்கள் அனைவருக்கும் எங்கள் நன்றியையும் ,வணக்கத்தையும் தெரிவித்துக்கொள்கிறோம்.
நிகழ்சியின் சிறப்புக்கு மாமன்னர் Chennai Sevas Pandian
அவர்களின் பதாகைகள் , கணிணி பட உத்திகள் பெரும் உதவி செய்தன. நன்றி மாமன்னரே...
நிகழ்சியில் பங்கு கொண்ட அனைவருக்கும் மிக்க நன்றி


                                    
சேலம் வரலாற்று சங்க செயலாளர் திரு Barna Boss
சேலம் நாணயவியல் சங்கத்தலைவர் திரு சுல்தான் பாய். சேலம் அருங்காட்சியக காப்பாட்சியர் திரு முல்லையரசு, திருவண்ணாமலை வரலாற்று ஆய்வு நடுவத்தின் செயலாளர் திரு Bala Murugan, எங்கள் ராஜகுரு திரு VeludharanVaradharajan SenthilKumar, Venkatesan Tklp, Yercaud ElangoEmgo MykingSridhar HemaSivarama Krishnan SivaSivasankar Babu, அலெக்சாண்டர் ஆகிய சான்றோர்களுக்கு மிக்க நன்றி


                  
நிறைய பெயர் விடுபட்டிருக்கலாம் மன்னித்தருள்க..
இது எங்கள் முதல் முயற்சி..



                             நிகழ்சி பற்றிய உங்கள் பின்னூட்டங்கள் எங்களை மேலும் செம்மைபடுத்தி வழி நடத்தும்
நன்றி

#சேலம்வரலாற்றுஆய்வுமையம்


     http://www.dinamani.com/all-editions/edition-dharmapuri/salem/2017/may/15/%E0%AE%B5%E0%AE%BE%E0%AE%B4%E0%AE%AA%E0%AF%8D%E0%AE%AA%E0%AE%BE%E0%AE%9F%E0%AE%BF%E0%AE%AF%E0%AE%BF%E0%AE%B2%E0%AF%8D-%E0%AE%B5%E0%AE%B0%E0%AE%B2%E0%AE%BE%E0%AE%B1%E0%AF%8D%E0%AE%B1%E0%AF%81-%E0%AE%95%E0%AE%B0%E0%AF%81%E0%AE%A4%E0%AF%8D%E0%AE%A4%E0%AE%B0%E0%AE%99%E0%AF%8D%E0%AE%95%E0%AE%AE%E0%AF%8D--%E0%AE%95%E0%AE%A3%E0%AF%8D%E0%AE%95%E0%AE%BE%E0%AE%9F%E0%AF%8D%E0%AE%9A%E0%AE%BF-2702607.html


செவ்வாய், 9 மே, 2017

சேலம் மாவட்ட குறுநிலமன்னர்கள் -3


                       சேலம் மாவட்ட குறுநில மன்னர்கள் - 3



சேலம் மாவட்ட குறுநிலமன்னர்கள் - 3
கெட்டி முதலிகள்
கெட்டி வம்ச அரசர்களின் தலைநகர் அமரகுந்தி.
ஆட்சிகாலம் கி.பி.1539 முதல் 1689 வரை 150 ஆண்டுகள் ஆகும்.
மதுரை நாயக்கர்களின் கீழ் இவர்கள் ஆட்சி இருந்தது.
சங்க காலம் முதலாகவே இந்த கெ(க)ட்டிகள் இருந்தார்கள் என தெரிகிறது.

வணங்காமுடி முதலியார், இம்முடி கட்டி, சீயாலக்கட்டி,இம்முடிகட்டி 2, வணங்காமுடி கொமாரக்கட்டி ஆகியோர் முக்கியமானவர்கள்.





தாரமங்கலம் இவர்களின் தலமையிடமாக இருந்துள்ளது.ஹெய்சாளர்கள் ,பாண்டியர்கள் ஆட்சி காலத்தில் இப்பகுதியில் ஊர் தலைவர்களாக இருந்தவர்கள் இந்த கெட்டி முதலிகள் என வரலாற்று ஆய்வாள்கள் கருதுகின்றனர்.
மதுரை நாயக்கர் காலத்தில் பாளையக்காரர்கள் என்றழைக்கப்படு தாரமங்கலத்தை தலமையிடமாக கொண்டு கட்டிமுதலி என்ற பட்டத்துடன் ஆட்சி செய்துள்ளனர்.
இவர்களின் ஆட்சி பகுதி தாரமங்கலம், ஓமலூர், பவானி,ஆத்தூர், ஆறகழூர் போன்ற பகுதிகள் இருந்துள்ளன.
இவர்களின் கல்வெட்டுக்கள் ஆறகழூர்,ஓமலூர், தாரமங்கலம், பவானி போன்ற இடங்களில் காணப்படுகின்றன.
ஆறகழூர் வெங்கடேசன் பொன்

வெள்ளி, 5 மே, 2017

சேலம் மாவட்ட குறுநிலமன்னர்கள் 2


                  சேலம் மாவட்ட குறுநில மன்னர்கள் -2





சேலம் மாவட்ட குறுநிலமன்னர்கள்
வரும் மே 14 ஞாயிற்றுகிழமை சேலம் மாவட்டம் வாழப்பாடியில் #சேலம் மாவட்ட குறுநிலமன்னர்கள் என்ற தலைப்பில் திரு ஆய்வாளர் அய்யா பூங்குன்றன்(துறை தலைவர் ஓய்வு) அவர்கள் பேச உள்ளார்..அனைவரும் வந்து கலந்து கொண்டு பயனுற வேண்டுகிறோம்.


சேலம் மாவட்டத்தில் 9 ஆம் நூற்றாண்டை சேர்ந்த இராமாவடிகள் என்ற மன்னர் ஆத்தூர் பகுதிகளை ஆட்சி செய்ததை பார்த்தோம். இந்த பதிவில் 12 ஆம் நூற்றாண்ட சேர்ந்த குறு நில மன்னரை பார்ப்போம்.

12, 13 ஆம் நூற்றாண்டுகளில் சேலம் மாவட்டத்தின் கிழக்கு பகுதிகள், பெரம்பலூர் மாவட்டத்தின் வடக்கு, விழுப்பும் மாவட்டத்தின் மேற்க்கு ,திருவண்ணாமலை மாவட்டத்தின் தெற்க்கு பகுதிகள், கடலூர் மாவட்டத்தின் சில பகுதிகள் சேர்ந்தது மகதை நாடாகும். இந்த மகதை நாட்டை வாணகோவரையர்கள் ஆண்டு வந்தனர். இவர்களின் தலை நகரம் ஆறகளூர்.



இந்த வாணகோவரையர்களில் புகழ் பெற்றவர் பொன்பரப்பின வாண கோவரையன் .இவரின் கல்வெட்டுக்கள் ஆறகழூர், பெரம்பலூர், விழுப்புரம்,கடலூர் மாவட்டத்தின் பல பகுதிகளில் உள்ளது. திருவண்ணாமலையில் இவரின் பாடல்கள் கல்வெட்டு வடிவில் உள்ளது.மூன்றாம் குலோத்துங்கன் காலத்தில் அவரின் படைத்தளபதியாக இருந்தவர் இவர். பாண்டியர்களுக்கு எதிராக நடந்த போரில் சோழனின் படைத்தளபதியாய் சென்று வெற்றிக்கொடி நாட்டியவர். மூன்றாம் இராசராசனின் மாமனார் இவர். பிற்கால சோழர்களின் வீழ்சிக்கு குறுநில மன்னர்களே முக்கிய காரணம். இதில் வாணகோவரையர்களின் பங்கு மிக அதிகம்
ஆறகழூர் வெங்கடேசன் பொன்

புதன், 3 மே, 2017

சேலம் மாவட்ட குறுநில மன்னர்கள்


சேலம் மாவட்ட குறுநில மன்னர்கள்



வரும்  2017  மே 14 ஆம் தேதி ஞாயிற்றுக்கிழமை வாழப்பாடியில் சேலம் வரலாற்று ஆய்வு மையத்தின் சார்பில் வரலாற்று கருத்தரங்கம் நடைபெற உள்ளது, இதில் ஆய்வாளர்கள் பல்வேறு தலையில் பேச உள்ளனர். இதில் சேலம் மாவட்டத்தில் குறு நில மன்னர்கள் என்ற தலைப்பில் தொல்லியல் துறையில் பணியாற்றி ஒய்வு பெற்ற ஆய்வாளர் பூங்குன்றன் அய்யா அவர்கள் பேச உள்ளார்..அய்யாவின் கருத்துக்களை குறிப்பெடுக்க பேனா நோட்டு அவசியம் கொண்டு வாங்க...
குறுநில மன்னர்கள் பற்றி நடுகல் கல்வெட்டுக்களும், கோயில் கல்வெட்டுக்களும் நமக்கு தெரிவிக்கின்றன...சேலம் மாவட்டத்தில் 9 ஆம் நூற்றாண்டு முதலே குறு நில மன்னர்கள் பற்றி தகவல்கள் கிடைக்கின்றன.
நம் சேலம் வரலாற்று ஆய்வுமையம் கண்டறிந்த நீர்முள்ளிகுட்டை நடுகல்லானது ராமாவடிகள் என்ற ஒரு குறுநில மன்னரை நமக்கு அறிமுகப்படுத்துகிறது.
இந்த ராமாவடிகள் என்ற மன்னர் தமிழகம்ம் இது வரை அறியாத ஒரு புதிய பெயராகும்.இவர் சேலம் மாவட்டம் ஆத்தூர் மற்றும் அதை சுற்றி உள்ள பகுதிகளை ஆட்சி செய்துள்ளார்.
9 ஆம் நூற்றாண்டு வட்டெழுத்து கல்வெட்டு இது. ஆட்சியாண்டு ஏதும் குறிப்பிடப்படாததால் பல்லவர் கீழ் இல்லாமல்
,ராமாவடிகள் சுதந்திரமாய் ஆட்சி செய்த மன்னர் என கருத வாய்ப்புண்டு.

இவரின் மகன் பெயர் பெருமான் ,இவர் பூலாம்பாடியின் மீது படயெடுத்த போது போரில் இறந்த பொன்ன குன்றி என்பவனுக்காக எடுக்கப்பட்ட நடுகல் இதுவாகும்



செவ்வாய், 2 மே, 2017

சேலம் வரலாற்று ஆய்வு மையத்தின் வரலாற்று கருத்தரங்கம்

சேலம் வரலாற்று ஆய்வு மையம் வழங்கும்
வரலாற்று கருத்தரங்கம்

அன்புடையீர் அனைவருக்கும் வணக்கம் சேலம் வரலாற்று ஆய்வு மையமானது கடந்த 2 ஆண்டுகளாக வரலாறு மற்றும் தொல்லியல் தொடர்பாய் சேலம் மாவட்டத்தில் களப்பணியில் ஈடுபட்டு வருகிறது. இதுவரை பல கல்வெட்டுக்கள், நடுகற்களை கண்டறிந்து வெளிப்படுத்தியுள்ளோம். வரலாற்றில் ஆர்வமுள்ளவர்களை ஒன்றிணைத்து தாரமங்கலம், சங்ககிரி, ஆத்தூர், பேளூர் போன்ற இடங்களில் மரபுநடை நடத்தி உள்ளோம்.
இதன் அடுத்த கட்ட நகர்வாக கருத்தரங்கு ஒன்றை நடத்த நம் வரலாற்று ஆய்வு மையம் முடிவு செய்துள்ளது. இதில் பல ஆய்வாளர்கள் கலந்து கொண்டு பல தலைப்புகளில் பேச உள்ளனர். நீங்கள் அனைவரும் கலந்து கொண்டு சிறப்பிக்க வேண்டுகிறோம்...
சேலம் வரலாற்று ஆய்வு மையம்- வரலாற்று கருத்தரங்கம்
நாள் ஞாயிற்று கிழமை 14/05/2017
இடம் : அரிமா அரங்கம்
காளியம்மன் கோயில் அருகே,வாழப்பாடி
நேரம் : காலை 10 மணி முதல் மாலை 5 மணி வரை
கலந்து கொள்ள உள்ள ஆய்வாளர்களும் பேசும் தலைப்பும்
1. திரு .இரா. பூங்குன்றன் அவர்கள் , தலைமை அலுவலர் தொல்பொருள் ஆய்வுத்துறை (ஓய்வு)
தலைப்பு : சேலம் மாவட்டத்தில் குறுநில மன்னர்கள்
2. திரு. சீ. விழுப்புரம் வீரராகவன் அவர்கள், கல்வெட்டு ஆய்வாளர்,
தலைப்பு : கல்வெட்டுக்களில் எழுத்து வளர்ச்சி
3. திருமதி வீ.ரா.மங்கையற்கரசி அவர்கள், தொல்லியல் ஆய்வாளர் Mangai Ragavan
தலைப்பு : வரலாறு
4. திரு சுகவன முருகன், தொல்லியல் ஆய்வாளர் அவர்கள்
Manonmani Pudhuezuthu
தலைப்பு : பாறை ஓவியங்கள்
5. திரு நாமகிரிபேட்டை துரைசாமி அவர்கள். தொல்லியல் ஆய்வாளர்
தலைப்பு : கொல்லிமலை
6. திரு குழந்தைவேலன் அவர்கள், தமிழக தொல்லியல் துறை (ஓய்வு)
தலைப்பு : ஊரும் பேரும்
7. திரு .கோமகன் அவர்கள், கங்கை கொண்ட சோழபுரம் மேம்பாட்டு கழகம். Rajaram Komagan
தலைப்பு : சேலம் மாவட்டத்தில் சோழர்கள்
8. திரு மகத்மா செல்வபாண்டியன் அவர்கள் ,வரலாற்று ஆய்வாளர் Mahathma Selvapandiyan
தலைப்பு : மகதை மண்டலத்தில் பெளத்தமும் ,சமணமும்
கண்காட்சி
1. Veeramani Veeraswami ,திரு வீரமணி அய்யா நாணயங்கள் மற்றும் தபால் தலைகள்
2. பெரியசாமி ஆறுமுகம் , திரு துறையூர் பெரியசாமி தன் சேகரிப்புகளை காட்சிக்கு வைக்கிறார்,
மதிய உணவு அனைவருக்கும் வழங்கப்படும்
அனைவரும் வந்திருந்து கருத்தரங்கை சிறப்பிக்க வேண்டுகிறோம்
தொடர்பு கொள்ள: நிர்வாகிகள் சேலம் வரலாற்று ஆய்வு மையம்
பொன்.வெங்கடேசன் : தலைவர் சேலம் வரலாற்று ஆய்வு மையம் கைப்பேசி : 9047514844
ஆறகழூர் வெங்கடேசன் பொன்
கலைச்செல்வன் Kalai Selvan துணைத்தலைவர் சேலம் வரலாற்று ஆய்வு மையம் கைப்பேசி ;9600925060
மருத்துவர் பொன்னம்பலம் Ponnambalam Chidambaram
செயலாளர் சேலம் வரலாற்று ஆய்வு மையம்
கைபேசி : 9842973322
பெரியார் மன்னன் Periyar Mannan ,இணை செயலாளர்
சேலம் வரலாற்று ஆய்வு மையம்
கைபேசி : 9600969118
சீனிவாசன் Kaliyappan Srinivasan , பொருளாளர்
சேலம் வரலாற்று ஆய்வு மையம்
கைபேசி : 8668031749
ஜீவநாராயணன் Jeevanarayanan Selvakumar இணை பொருளாளர், சேலம் வரலாற்று ஆய்வு மையம்
பெருமாள் Perumal Madhu Navin. செயற்குழு உறுப்பினர்
சேலம் வரலாற்று ஆய்வு மையம்
கைபேசி ; 70946 11012
வீரமணி அய்யா Veeramani Veeraswami செயற்குழு உறுப்பினர்
சேலம் வரலாற்று ஆய்வு மையம்
99767 61603
தீபக் ஆதி தீபக் ஆதீ செயற்குழு உறுப்பினர்
சேலம் வரலாற்று ஆய்வு மையம்
86954 02642
நம் மையத்தின் ஆலோசகர் திரு Chennai Sevas Pandian
நன்றி

புதன், 26 ஏப்ரல், 2017

வீரகனூர் புத்தர்




வீரகனூர் புத்தர் - மகதை மண்டலம்



புத்தரின் கையில் காணப்படும் இந்த முக்கோணம் போன்ற குறியீடு நமக்கு சிறப்பான புதிய செய்தி ஏதாவது ஒன்றை சொல்கிறதா ??

   சேலம் மாவட்டம் ஆத்தூர் வட்டம் ஆறகழூரை தலைநகராக கொண்ட மகதை மண்டலத்தின் ஒரு பகுதியாக இருந்த ஊர் வீரகனூர் அங்கு உள்ள புத்தர் சிலை இது
இதன் காலம் 12 ஆம் நூற்றாண்டாக இருக்கலாம்


வெள்ளி, 6 ஜனவரி, 2017

கல்வராயன் மலையில் கல்திட்டைகள் கற்குவைகள்

*கல்வராயன் மலையில் 2500 வருடங்களுக்கு முற்பட்ட கல்திட்டைகள், கற்குவைகள் ,புதிய கற்கால கருவிகள் கண்டுபிடிப்பு*



*சேலம் மாவட்டம் ஆத்தூர் வட்டம் பெரியகல்வராயன் மலையில் சேலம் மாவட்ட வரலாற்று தேடல் குழுவால் கல்திட்டைகள், கற்குவைகள், புதிய கற்கால கருவிகள், மற்றும் ஏராளமான குத்துகற்கள் கண்டுபிடிக்கப்பட்டுள்ளன*
*சேலம் மாவட்ட வரலாற்று தேடல்குழுவை சேர்ந்த தொல்லியல் ஆய்வாளர்கள் ஆறகழூர் பொன்.வெங்கடேசன், ஆசிரியர் கலைச்செல்வன், ஆசிரியர் பெருமாள், ஓமலூர் சீனிவாசன் ,மருத்துவர் பொன்னம்பலம், ஜீவநாராயணன், பெரியார் மன்னன் ஆகியோர் அடங்கிய குழு பெரிய கல்வராயன் மலையில் உள்ள ஆத்தூர் வட்டம் கீழ்நாடு ஊராட்சி கெராங்காடு கிராமம், பெத்தநாயக்கன் பாளையம் வட்டம் கீழ்நாடு ஊராட்சி அடியனூர், சேம்பூர், போன்ற கிராமங்களில் மேற்புற கள ஆய்வை மேற்கொண்டது*
*அப்போது அக்கிராமங்களில் 21 கல்திட்டைகள், 10 கற்குவைகள் , புதிய கற்கால கருவிகள் மற்றும் ஏராளமான குத்துகற்கள் கண்டுபிடிக்கப்பட்டன*
*இதில் 15 கல்திட்டைகள் ஓரளவு நல்ல நிலையிலும் 6 கல்திட்டைகள் சிதைந்த நிலையிலும் காணப்படுகின்றன* *கற்குவைகளில் 6 நல்ல நிலையிலும் 4 சிதைந்த நிலையிலும் காணப்படுகிறது*
*பழங்காலத்தில் இறந்தவர்களை புதைத்த இடத்தில் கல்பதுக்கை, கல்திட்டை, ஈமப்பேழை, கற்குவை, கல்வட்டம், குத்துக்கல், முதுமக்கள் தாழி போன்ற முறைகளை அக்கால மக்கள் பயன்படுத்தினர்* *முதன் முதலில் இதை உருவாக்க பயன்படுத்திய கற்கள் வெட்டி உருவாக்காத சிறு சிறு, கல்துண்டுகளாக இருந்தன பின்பு சதுர வடிவமான பலகை கற்கள் பயன்படுத்தப்பட்டன* *இறந்தவர்கள் திரும்ப வந்து உயிருடன் இருப்பவர்களை துன்புறுத்தாமல் தடுக்க கற்பாறைகளை கொண்டு சவக்குழிகளை மூடினர்* *அச்சத்தின் காரணமாக அவற்றை வழிபட துவங்கினர். இது உருவ வழிபாட்டின் துவக்க நிலை எனலாம்*
*கல் திட்டைகள் :-*
*இக்கிராமங்களில் காணப்படும் கல்திட்டையானது மூன்று புறம் துண்டுகற்களால் அடுக்கப்பட்டு மேற்புறம் ஓர் பலகை கல்லால் மூடப்பட்டுள்ளது. முன்புறம் மூடப்படாமல் உள்ளது. இதன் உயரம் நான்கரை அடி, நீளம் 12 அடி, அகலம் 6 அடியாகவும் உள்ளது.. மக்கள் வசிப்பிடங்களில் உள்ள கல்திட்டைகளின் உள்ளே புதிய கற்கால கருவிகளும், அந்த கருவிகளை வழுவழுப்பாக்க பயன்பட்ட பந்து வடிவ உருண்டை கல்லும் ,கூர் தீட்ட பயன்படுத்திய தேய்ப்பு கல்லும் காணப்படுகிறது, கல்திட்டையின் உள்ளே விநாயகர் சிலையும் உள்ளது, இது பிற்காலத்தில் வைக்கப்பட்டு இருக்கலாம்.. மக்கள் வசிப்பிடம் இல்லாத மலைக்குன்றில் உள்ள கல்திட்டைகளில் புதிய கற்கால கருவிகளோ விநாயகர் உருவமோ காணப்படவில்லை*
*புதிய கற்காலத்தில் வாழ்ந்த மக்கள் தங்கள் குழுவில் முக்கியமான தலைவர்கள் , வீரர்கள் இறந்தபோது அவர்கள் நினைவாக இது போன்ற கல்திட்டைகள் அமைக்கப்பட்டன. அவை மாண்டவர் வீடு என அழைக்கப்பட்டன.அது பிற்காலத்தில் மருவி பாண்டவர் வீடு என அழைக்கப்பட்டன. இங்குள்ள மக்களால் இவை கல்பாண்டி வீடு, சின்ன பாண்டி வீடு, ,குள்ள பாண்டி வீடு என அழைக்கப்படுகிறது. இங்கு இரண்டடி உயரமுள்ள குள்ள மனிதர்கள் பழங்காலத்தில் வாழ்ந்ததாகவும் அவர்களின் வீடுதான் இது என இங்குள்ள மக்கள் நம்புகின்றனர்*
*கற்குவை :-*
*இறந்தவர்களை அடக்கம் செய்த இடத்துக்கு அருகே கற்குவைகள் அமைக்கப்பட்டன.இவை பிரமீடு போன்ற அமைப்பில் கூம்பு வடிவத்தில் காணப்படுகிறது, கெராங்காடு கிராமத்தின் அருகே உள்ள மலைக்குன்றின் அமைந்துள்ள பழமையான அவ்வையார் கோயில் அருகிலுள்ள பகுதிகளில் 10க்கும் மேற்பட்ட கற்குவைகள் காணப்படுகின்றன. செவ்வக வடிவமான நன்கு வெட்டப்பட்ட கற்கள் ஒன்றன் மீது ஒன்றாக வட்ட வடிவில் அடுக்கப்பட்டு கூம்பு வடிவில் அமைக்கப்பட்டுள்ளது..இவை சிறிய வடிலான பிரமீடுகளை போல் காட்சியளிக்கிறது .இதன் உச்சியில் செங்குத்தாய் ஓர் பலகைகல் வைக்கப்பட்டுள்ளது.. இக்கற்குவையின் அடிப்பகுதியின் சுற்றளவு 12 அடி, நடுப்பகுதி 9 அடி, மேற்பகுதி 6 அடியாக உள்ளது. மேலே உள்ள தனி பலகை கல் முக்கால் அடியாக உள்ளது*
*இன்றும் கூட கிணறு வெட்டும் தொழில் செய்யும் போயர் சமூகத்தின் ஒரு பிரிவினர் இறந்தர்வர் நினைவிடங்களில் கற்குவை அமைக்கும் பழக்கத்தை கொண்டுள்ளனர்*
*குத்துக்கற்கள் :-*
*இறந்தவர்கள் நினைவாகவும், அவர்களை அடக்கம் செய்த இடங்களை அடையாளப்படுத்தவும் குத்துக்கற்கள் வைக்கப்பட்டன..இவை ஒரே கல்லில் கூம்பு கல்லாகவோ அல்லது பலகை கல்லாகவோ வைக்கப்பட்டன. கெராங்காடு கிராமத்தில் இருந்து குன்றின் மீதுள்ள அவ்வையார் கோவிலுக்கு செல்லும் மலைப்பாதையில் ஏராளமான குத்துக்கற்கள் காணப்படுகின்றன..இவை ஒரே ஒரு பலகை கல்லால் அமைக்கப்பட்டுள்ளன.
இந்த மலைப்பாதையில் செருப்பு போட்டுக்கொண்டு நடக்க ஊர் மக்கள் அனுமதிப்பதில்லை..இந்த குன்றை புனிதமாக கருதுகின்றனர்*
*புதிய கற்கால கருவிகள் :-*
*கெராங்காடு,சேம்பூர்,அடியனூர் போன்ற மலைக்கிராமங்களில் மக்கள் குடியிருப்புக்கு அருகே உள்ள கல்திட்டைகளின் உள்ளே புதிய கற்காலகருவிகள் காணப்படுகின்றன. இவை வேறு வேறு வடிவங்களில் அமைந்துள்ள கைக்கோடாரிகள் ஆகும்.இதன் ஒரு முனை கூராகவும் மறுமுனை தட்டையாகவும் உள்ளது. கூரான முனை குத்திக்கிழிக்கவும் தட்டையான முனை வெட்டவும் பயன்பட்டுள்ளது. இந்த கருவிகள் எளிமைமையாய் பயன்படுத்துவதற்கு ஏற்ப கைக்கு அடக்கமாய் செய்யப்பட்டுள்ளன. ஒரு அடி உயமுள்ள கற்கோடாரிகளும் இங்கு காணப்படுவது சிறப்பான ஒன்றாகும்.. பழைய கற்கால கருவிகள் கரடு முரடாக இருக்கும்.இந்த புதிய கற்கால கருவிகள் வழுவழுப்பாக உள்ளன,இதை வழுவழுப்பாக மாற்ற பயன்பட்ட கல்பந்துகளும்,கூராக்க பயன்பட்ட தேய்ப்பு கல்லும் கல்திட்டையின் உள்ளே காணப்படுகின்றன*
*அவ்வையாரம்மன் கோயில்*
*பெரிய கல்வராயன் மலையில் கீழ்நாடு என இப்போது அழைக்கப்படும் பகுதி 15ஆம் நூற்றாண்டில் கள்ளர் நாடு என அழைக்கப்பட்டுள்ளது.கெராங்காடு என்ற ஊர் கருங்காடு என அழைக்கப்பட்டுள்ளது. இங்கு இரண்டு அவ்வையார் கோயில்கள் உள்ளன. கெராங்காடு ஊருக்கு அருகே புதிய கோயிலும் 2 கி.மீ .தொலைவில் உள்ள குன்றில் பாழடைந்த நிலையில் 15 ஆம் நூற்றாண்டுக்கு முற்பட்டசிதைந்த நிலையில் ஓர் அவ்வையார் கோயிலும் உள்ளது. பழைய கோயிலில் இப்போது அவ்வையார் சிலை இல்லை.பல வருடங்களுக்கு முன் இங்குள்ள சிலைகளை திருடர்கள் திருடி செல்ல முயற்சித்ததால் ஊர் மக்கள் பாதுகாப்பான ஓர் இடத்தில் வைத்துள்ளனர். கார்த்திகை தீபம் அன்று மட்டும் அவ்வையார் சிலையை இங்கு கொண்டு வந்து வைத்து வழிபடுகின்றனர்.
கார்த்திகை தீபம் அன்று மலை உச்சியில் உள்ள கொப்பரை மூலம் மகாதீபம் ஏற்றி வழிபடுகின்றனர்..திருவண்ணாமலை தீபத்தை பார்த்த பின்னரே இங்கு தீபம் ஏற்றுவது நடைமுறையாக உள்ளது*
*சேலம் அருகே உத்தமசோழபுரம் என்ற ஊரில் உள்ள கரபுரநாதர் கோயிலில் பழமையான ஓர் அவ்வையார் சிலை உள்ளது.இந்த இரண்டு அவ்வையாருக்கும் ஏதேனும் தொடர்பு உண்டா என்பது ஆய்வுக்குரியது*
*இசைக்கற்கள் :-*
*மலைமீதுள்ள அவ்வையார் கோயிலில் உள்ள சிலைகளை திருடர்கள் திருட முயன்றபோது அவர்கள் பாறையாய் மாறிவிட்டதாய் ஊர்மக்கள் சொல்கிறார்கள். அந்த பாறைகளை ஆய்வு செய்த போது அவை இசைக்கற்கள் என தெரிய வந்தது..அந்த பாறைகளை தட்டும்போது உலோகத்தை தட்டுவது போல் ஒலி வருகிறது, சேலம் மாவட்டத்தில் தாரமங்கலம்,பேளூர்,அயோத்தியாப்பட்டினம் போன்ற ஊர்களில் உள்ள கோயில்களில் இசைத்தூண்கள் உள்ளன,அவற்றை தட்டினால் இனிமையான ஓசை வரும். அது போன்ற இசைத்தூண்களை உருவாக்க இது போன்ற பாறைகள் பயன்பட்டன*
*கல்வெட்டுகள்:-*
*கெராங்காடு கிராமத்தில் இரண்டு கல்வெட்டுக்கள் காணப்படுகின்றன..ஒன்று மலைமீதுள்ள அவ்வையாரம்மன் கோயிலில் உள்ளது.அது படிக்க முடியாதபடி சிதைந்து காணப்படுகிறது..மற்றொன்று ஊரின் மத்தியில் உள்ள மாரியம்மன் கோயில் அருகே பலகை கல்லில் வெட்டப்பட்டுள்ளது.
கல்வெட்டின் மேற்புறம் பெருமாளின் சின்னமான சங்கு , சக்கரம் காணப்படுகிறது. மொத்தம் 35 வரிகளில் கல்வெட்டு வெட்டப்பட்டுள்ளது.
இது 15 ஆம் நூற்றாண்டை சேர்ந்ததாகும். இதில் விய வருடம் வைகாசி மாதம் 27ந்தேதி முதல் அவ்வையாரம்மைக்கு பூசைகள் செய்ய கள்ளர் நாட்டை (கீழ்நாடு) சேர்ந்த கருங்காடு (கெராங்காடு) என்ற பகுதியை கரையப்பக்கவுண்டர் , அன்னியப்ப கவுண்டர் , ஆகிய இரு தலைவர்களும்
நாலுகரை நாட்டாரும் சேர்ந்து பூதானமாக கொடுத்துள்ளனர். பூதானம் என்பது ஒரு கிராமத்தையே தானமாக கொடுப்பது ஆகும். இத்தானத்தை நயினாகவுண்டநம்பி என்பவர் நடத்தி வரவேண்டும். மேலும் பூசையும் கட்டளையும் நடத்தி வருபவர்கள் உடல் நலமும் செல்வமும் பெறுவார்கள் .
இத்தானத்தை சூரியன் சந்திரன் உள்ள வரை நடத்தி வர வேண்டும். இத்தானத்துக்கு அழிவு செய்பவர்கள் கங்கை கரையிலே காராம் பசுவை கொன்ற பாவத்தை அடைவார்கள் எனவும் கல்வெட்டு குறிப்பிடுகிறது.
இப்பகுதி கள்ளர் நாடு என கல்வெட்டில் குறிப்பிடப்படுவதால் அருகே வணிக வழி பாதை ஒன்று இருந்திருக்க வேண்டும்,
இப்பகுதியில் காணப்படும் இந்த அரிய சான்றுகளை ஆவணப்படுத்தவும் பாதுகாக்கவும் தொல்லியல்துறை ஆவண செய்ய வேண்டும்* இப்பகுதியில் மேலும் ஆய்வு செய்தால் இன்னும் பல தொல்லியல் சான்றுகள் கிடைக்கும் இவ்வாறு சேலம் மாவட்ட வரலாற்று தேடல்குழு ஆய்வாளர்கள் தெரிவித்தனர்*